«Технология уюута -65» կենցաղային հակասառեցման հեղուկը նախատեսված է ջեռուցման համակարգերում և այլ ջերմափոխանակիչ սարքավորումներում կիրառելու համար։ Այն  հատուկ մշակվել է խիստ կլիմայական պայմաններում օգտագործման համար , երբ այն  կիրառվում է չլուծված (մաքուր) տեսքով, իսկ  մեղմ կլիմայական գոտիներում օգտագործվում է լուծված վիճակում՝ փափկեցված կամ ֆիլտրված ջրով։ Ջերմահաղորդիչը չի հանդիսանում ագրեսիվ նյութ սանտեխնիկական ռեզինի, մետաղապլաստի և պլաստիկի նկատմամբ, և այն հուսալիորեն պաշտպանում է կոռոզիայից պողպատե, չուգունե, պղնձե, արույրի, ալյումինե խողովակները և համակարգի այլ կառուցվածքային տարրերը, ներառյալ՝ բոլոր տեսակի ռադիատորները։ Անթույլատրելի է հակասառեցնող հեղուկի օգտագործումը այն ջեռուցման համակարգերում, որտեղ առկա են ներքին կողմից ցինկապատված միացումներ, խողովակներ կամ կցամասեր։ 70°C-ից բարձր ջերմաստիճանի դեպքում առաջանում է ինտենսիվ քիմիական ռեակցիա, որի հետևանքով ցինկապատ շերտը սկսում է քայքայվել և առանձնանալ, ինչը հանգեցնում է կցամասերի, ջեռուցման սարքավորումների և համակարգի խցանմանը։ Բացի այդ, բարձր ջերմաստիճանը վնասում է հակակոռոզիոն հավելումները, ինչի արդյունքում համակարգը սկսում է արագ ժանգոտվել։